مهما الزمن يبعدنا
| مهما الزمن يبعدنا عنك يا موطنا |
| تبقى العزيز الغالي وحبك ذخر إلنا |
| ياعراقنا المزيون إنتة ضوه العيون |
| إنتة الهوى والماي وإنتة جمال الكون |
| بيك إحنا ربينا والله أبد ماتهون |
| نبقى إلك حراس يانور العيون |
| غربة تهد الحيل وتزيد الهموم |
| يبقى القلب حيران بين العتب واللوم |
| فراق الوطن ياناس شدة أبد ماتهون |
| كل ذرة من تربتك حق الوفا معلوم |
| أبعث إلك مرسال وأشواق كلها تفوح |
| لأمي الحبية هناك ولخبزة التنور |
| ماادري أظل بعيد والدنيا بيه تدور |
| لابد إلك ونعود نحبك يا موطنا |
| كلمات الشاعر: عبد الملك الحسيني |
| رجوع |
